Hansı eynək sizə daha çox yaraşır?
Eynək seçiminizi asanlaşdırmaq və zamandan qazanmaq üçün dəbdə olan hansı model eynəklərin üzünüzə uyğun olduğunu öyrənməyiniz lazımdır.
Bu il çox böyük, maska şəklində eynəklər dəbdə olacaq. Bunlar üzü tamamilə örtür. Bir çoxu Swarovski kristallarla bəzəkli olur, kristalsız tapsanız şanslısınız. Dəbdəki əsas rənglər dore və lame olacaq. Prada, Dolce&Gabbana, Burberry, Vogue, Gucci, Dior, Lacoste vəs. fırmalar bu rənglər sıx şəkildə istifadə ediblər. Qəhvərəngi, qara və ya cüt rəngli ya da leopard naxışlı eynəklər də diqqət çəkir.
Sümük eynəklərdə yumru formalar, qəhvərəngi, qara və bej rəngləri ağırlıqda olacaq.
Yuvarlaq üzlülərin seçəcəyi günəş eynəkləri üzü olduğundan uzun və incə göstərməlidir. Üzünüzün ən geniş qismiylə bərabər vəya daha çox genişlikdə eynəkləri seçmək məsləhətlidir. Üzünüzün yuvarlaqlığını azaldacaq yumşaq, bucaqlı və düzbucaqlı çərçivəli eynəklər sizə görədir.
Əgər üzünüz uzundursa, kiçik ya da dar, kvadrat şəklində eynəklərdən uzaq durmalısınız. Geniş çərçivələr üzün uzunluğunu qırdığı üçün dar çərçivəli eynəklərdən çox daha idealdır. Kvadrat çərçivəli eynəklər yalnız üzün bucaqlı xəttlərini diqqətə çarpanlaşdırar.
Oval üzlülərə isə hər tərz eynək yaraşar. Bu üz şəkli balanslı qəbul edilir çünki oval üzdə almacıq sümükləri ümumiyyətlə çıxıq olur. Üzün kənarlarını örtən modellər də bu üz tipinə yaraşar.
Üçbucaq üzlülərin çənəsi dar, alnı genişdir. Gözlərinin olduğu bölgəyə vurğu edərək üzün alt qismini yumşaldın. Arxa fənər şəklində çərçivələr yanlara doğru qıvrılmalı və çənəni sabitləyəcək genişlikdə olmalıdır.
Kvadrat üzlülərdə isə güclü çənə quruluşu, geniş alın və geniş almacıq sümükləri diqqət çəkir. Küncləri yumşaq, yumru tərzdə eynəklərlə yumşalda bilərsiniz. Klassik oval çərçivəli eynəklərdə kvadrat üzlülərdə yaxşı dayanır.
Açıq dəriniz varsa yüngül çərçivələri və ya gül ya da kəhrəba kimi rənglərdə olanlarını seçin. Şəffaf, mavi və ya yaşıl rəngli çərçivələr yanaqlara rəng verər.
Tünd dərisi olanlara isə məsləhətimiz dore, lame və ya şəffaf çərçivəli eynəklər olacaq. Qara çərçivələr isə çox ağır görünə bilər.
Zəhmət olmasa sistemə daxil olun və ya qeydiyyatdan keçin.
